麵軒 (Closed)

因為一張麵軒嘅$20 Coupon，咁啱今日我哋兩公婆又去咗新城市廣場Shopping，於是就去咗沙田麵軒食下午茶，呢間麵軒自成一角，有點難揾。餐牌食物品種唔少，選擇都算多，但有特價下午茶無理由散叫，於是我哋叫咗兩個下午茶餐如下： 雙蔬芝心丸子拉麵餐 (Fish Ball with Cheese and Vegetables Ramen) ($30) – 枱紙上標榜呢度嘅麵獲獎無數，點知…芝心丸屬一般街市平價凍肉鋪質素，雙蔬原來即係紅蘿蔔絲配椰菜，加上又似河粉又似台式麵嘅所謂拉麵，配以味精湯底，完全唔掂，係咪因為係下午茶餐嘅原故？呢個失敗之中嘅失敗，如果俾姓蘇食家嚟一定將碗麵方落地下~~~焗豬仔飽餐 (Crispy Bun – Peanut with Sweet Milk) ($20) – 個拉麵唔合格，但呢個豬仔飽就好好食，熱辣辣又鬆脆嘅焗豬仔飽搽上花生醬及煉奶，好配合，好食都估唔倒，真係好想食多個~~~餐飲凍咖啡及熱檸水 ($0) – 連鎖性“大”字快餐店質素，OK啦~~~食物落Order後都好快送到，侍應生服務態度亦無網上講得咁差，但食物質素時好時壞，感覺只屬連鎖性“大”字快餐店