Video
Read full review
2021-06-04
807 views
中午去咗太子買嘢，順便食埋晏。我同朋友都被「Coffee Talks」嘅門面吸引，皆因佢比人一種開揚舒適嘅感覺，特別係天氣好的日子☀️。小店環境裝修唔錯，四周圍都掛上粉筆畫✏️，簡約得嚟又好清新。座位格局偏向似一間咖啡店，因為有好多梳化位同矮枱，坐落都算舒服。雖然佢係一間咖啡店，但亦提供大量鹹食🍝，例如沙律、全日早餐、薄餅、意粉同意大利飯等。星期一至五佢仲有做午餐添🍽，十款選擇，價錢介乎$86至$108不等，包指定飲品，另收加一服務費。價錢中規中矩啦。塔卡利咖喱汁海鮮長通粉($98)，本身見咖哩配Pasta幾得意先嗌，點知出到嚟超級有驚喜🥘。咖喱味好濃郁，有少少印度風情，但香料味又無咁重，可能因為加咗少少忌廉，不過辣度都幾明顯，但辣得嚟好過癮，正😋。題外話，原來菜式名寫嘅「塔卡利」係指尼泊爾嘅一個民族🇳🇵 。用空心嘅長通粉嚟索呢個咁美味嘅醬汁就啱晒👍，每條都掛滿汁，變成橙色的，好入味。除咗咖喱外，海鮮部份亦令人滿意。款式同份量一樣咁多，包括蝦🦐、帶子、蟹籽、魷魚同蜆等。成個Pasta組合真係好出色！莎莎蕃茄醬香辣肉腸蘑菇闊條麵($92)，呢度嘅意粉擺盤幾靚，無馬虎了事😍。茄蓉滲透喺整碟麵入
中午去咗太子買嘢，順便食埋晏。我同朋友都被「Coffee Talks」嘅門面吸引，皆因佢比人一種開揚舒適嘅感覺，特別係天氣好的日子☀️。
小店環境裝修唔錯，四周圍都掛上粉筆畫✏️，簡約得嚟又好清新。座位格局偏向似一間咖啡店，因為有好多梳化位同矮枱，坐落都算舒服。
雖然佢係一間咖啡店，但亦提供大量鹹食🍝，例如沙律、全日早餐、薄餅、意粉同意大利飯等。星期一至五佢仲有做午餐添🍽，十款選擇，價錢介乎$86至$108不等，包指定飲品，另收加一服務費。價錢中規中矩啦。
塔卡利咖喱汁海鮮長通粉
$98
16 views
0 likes
0 comments
用空心嘅長通粉嚟索呢個咁美味嘅醬汁就啱晒👍，每條都掛滿汁，變成橙色的，好入味。除咗咖喱外，海鮮部份亦令人滿意。款式同份量一樣咁多，包括蝦🦐、帶子、蟹籽、魷魚同蜆等。成個Pasta組合真係好出色！
莎莎蕃茄醬香辣肉腸蘑菇闊條麵($92)，呢度嘅意粉擺盤幾靚，無馬虎了事😍。茄蓉滲透喺整碟麵入面，酸度適中，幾開胃🍅。闊條麵唔算好粗，而我哋就略嫌佢煮得稍為淋身咗啲。
餸料方面，蘑菇同辣肉腸都超多，基本上每啖都食到。🍕辣肉腸如果可以再辣啲就正喇，而蘑菇就係採用新鮮嗰啲，並非罐頭貨🍄。另外，麵條當中混入咗爽脆嘅三色椒粒粒，以提升口感。
維也納咖啡
$44
12 views
0 likes
0 comments
柑桔檸檬
20 views
0 likes
0 comments
總括嚟講，我估唔到咖啡店整嘅意粉都幾好食🤤，咖哩長通粉絕對值得一再品嚐，維也納咖啡亦都係。餐廳仲有賣甜品同糕餅，有機會都想食埋啊。
Post
