Video
Read full review
2018-07-16
57 views
以前喺勝利道買飲嘅時候都已經有留意到呢間鋪頭，不過當時見到鋪頭細細，而且門口仲有人等緊位添，咁就梗係即刻要立刻放棄啦！不過原來佢哋近排開咗間新鋪喺勝利道附近，差幾步路，而且店舖又要大好多會坐得比較舒服，即刻俾咗個誘因小編去完左個心願丫！上網睇返資料先知原來店主係一個中緬混血兒，所以先會開一間緬甸菜嘅鋪頭👏🍴Mohinga鮮魚濃湯米線呢一碗鮮魚濃湯米線係店舖嘅招牌菜。湯底係由大量嘅唐蚤魚加唔同配料同緬甸菜最重要嘅黃姜薑煲成。而個米線方面店主都係用返緬甸個邊嘅米線。至於啲餸方面就有黃豆餅、豆卜、雞蛋、魚片同大量芫荽。首先個魚湯方面，口感就唔似平時飲嗰啲咁順滑會好似有啲渣咁樣。雖然湯底本身就落咗啲黃姜粉落去，但魚湯個鮮味依然都好重。而且本身湯底裏面加咗啲魚露喺度，所以味道層次會再比較豐富少少。至於個米線方面就比起平時食到嗰啲幼少少，但就非常掛湯，不過個人就略嫌隻米線煮得太過淋。而個豆卜同魚片個人就覺得比較一般，唔算話太過特別。不過個黃豆餅食落都幾有驚喜，黃豆餅整得非常之脆口，而且裏面仲有好多黃豆添，味道亦都好特別。而且喺米線上面加左大量嘅芫荽令到湯底嘅味道就更加豐富。🍴緬甸羅望子特飲孤陋寡聞
上網睇返資料先知原來店主係一個中緬混血兒，所以先會開一間緬甸菜嘅鋪頭👏
🍴Mohinga鮮魚濃湯米線
呢一碗鮮魚濃湯米線係店舖嘅招牌菜。湯底係由大量嘅唐蚤魚加唔同配料同緬甸菜最重要嘅黃姜薑煲成。而個米線方面店主都係用返緬甸個邊嘅米線。至於啲餸方面就有黃豆餅、豆卜、雞蛋、魚片同大量芫荽。
首先個魚湯方面，口感就唔似平時飲嗰啲咁順滑會好似有啲渣咁樣。雖然湯底本身就落咗啲黃姜粉落去，但魚湯個鮮味依然都好重。而且本身湯底裏面加咗啲魚露喺度，所以味道層次會再比較豐富少少。至於個米線方面就比起平時食到嗰啲幼少少，但就非常掛湯，不過個人就略嫌隻米線煮得太過淋。而個豆卜同魚片個人就覺得比較一般，唔算話太過特別。不過個黃豆餅食落都幾有驚喜，黃豆餅整得非常之脆口，而且裏面仲有好多黃豆添，味道亦都好特別。而且喺米線上面加左大量嘅芫荽令到湯底嘅味道就更加豐富。
🍴緬甸羅望子特飲
孤陋寡聞嘅小編真係從來都冇聽過咩叫做羅望子，好奇嘅小編就梗係要即刻叫一杯嚟試吓啦。店員就話飲品入口會酸酸甜甜咁，咁小編循例都要上網check下原來羅望子又叫做酸豆。
飲品入口確實如店員所講的確係酸酸甜甜咁，非常之消暑解渴。不過飲真啲又覺得其實同酸梅湯嘅味道冇乜太大嘅分別。所以如果天氣真係好熱的話，叫一杯羅望子飲確實係超級適合呀！
Post
