上海一品香菜館

Open Now

Now Closed

又要嚟觀塘整耳機😫，順便食個快飯，揀左呢間上海小店。星期三晚上6點3嚟到，當時已經有人食緊，未夠7點就要等位😯 估唔到平日晚市都有呢個人流!!小籠包 $52/8隻幾乎每枱客人、每個食評都會食，而且好評不斷!!可惜，當晚嘅小籠包唔係即蒸出嚟😿，食果陣包只係溫暖，包底已經比D汁浸左一段時間，夾起個底就穿左😑，基本上無一粒可以完整唔爆。肉汁可能流走左，所以唔算多汁，麵包皮亦偏厚🤔，唯一中意嘅係個肉餡，調味幾好，啱我口味。糖醋盲鰽魚 $103原條魚即炸後淋上汁，趁脆趁熱就快手食。盲鰽魚大部分都係大骨，所以好易食到。兩個人食份量啱啱好。個糖醋汁酸甜適中，無偏向某一邊。對比起個椒鹽排骨，呢個性價比高D。椒鹽排骨 $70上海排骨即係豬扒，上枱果陣好香蔥味，不過流於表面，入唔到肉入面；😐豬扒夠厚，肉質偏實，無肉汁可言。份量唔多，個人覺得少貴。白飯 $10呢個最抵，裝到好高😂，等於平時餐廳嘅1.5倍。以上共$241，無加一，但有$3/位；收卡、八達通，不過當日卡機咁啱壞左。