野玩海店 (Closed)

男朋友話帶我去食海鮮聖誕大餐 我仲擔心好貴 但原來完全係兩回事 今日嚟到太子始創地庫嘅呢間餐廳 有個好抵食嘅二人海鮮餐 焗原隻波士頓龍蝦海鮮拼盤 再配上雙重芝士汁 芝士汁成個盤都係鮮橙色 聞落已經好重芝士味 而且芝士汁配海鮮冇得輸非常之邪惡 有原隻大大隻嘅波士頓 龍蝦兩隻鉗同個頭大過我成塊面好誇張 佢真係爆肉仲有啲深橙色嘅膏 好鮮味而且好新鮮 咩調味都唔使落就已經好好食 大蝦兩隻 就冇乜特別但係非常之大隻 而且冇普通虎蝦咁淡而無味 新鮮青口同新鮮大蜆各兩隻 認真係好大隻 有我手掌心咁大 同樣地好鮮味 青口亦都好巨型 仲有焗薯同粟米 加埋芝士汁一齊食非常之夾 跟餐仲有餐湯同埋沙律用上黑醋汁 清新而唔油膩 仲有個是日薄餅薄餅係用咗千島醬 上面仲有好多芝士好香口 跟餐仲有tiramisu 另外仲叫多咗個炸軟殼蟹 軟殼蟹好脆口而且同樣地好鮮味菠蘿黑加侖子特飲 原來菠蘿加上黑加侖子都有神奇嘅化學作用 呢餐係超級無敵大滿足 有好多海鮮食而且配上我最愛嘅芝士 真係食到舐舐脷 兩個人埋單都係六百幾超抵