寢宮

Open Now

Now Closed

辛苦左成個禮拜，要對自己好啲，俾自己放鬆一下，就黎左呢間位於諾士佛台的酒吧餐廳chill下。炸單骨雞翼 $78份量都幾多，有成十隻，熱辣辣，外皮炸到脆口又keep 到入面juicy。香辣白酒海蜆意粉蜆肉大大隻，幾多汁，最重要冇沙，意粉韌度做得好好，有咬口，用辣椒加蒜頭再炒香個意粉，少少辣得黎好惹味。烤豬肋骨配辣燒烤醬豬肋骨好大條，配上少少辣的燒烤醬，幾惹味。Blue Sheet 成杯cocktail都係藍色，好靚，用左茘枝味嘅酒做個底，甜甜的，女仔飲好啱。Cucumber Sakura一上枱就即刻心心眼，面頭好多綿密嘅泡泡，加上粉紅色，好有儀式感的一杯cocktail，又係入口甜甜的。呢度環境都好闊落，好適合一大班朋友飲住食，食住飲。