La Postre (Closed)

好耐未去過銅鑼灣食晚飯，老公喺OpenrRice度搵到呢間餐廳，所以Book枱去試下。是晚星期五，百樂中心樓下排曬長龍，要等10-15分鐘先上到餐廳。入到餐廳已全院滿座，好誇張，大部分都係女性。我哋被安排坐左係一角落既地方，沒有燈光，只能依靠兩枝蠟燭照明，似是露營般的感覺。我十分欣賞佢哋的擺設，例如紙巾同碟。打開Menu，琳瑯滿目，我哋叫咗西班牙沙律，海水啤酒海鮮火鍋 (蕃茄尼忌廉啤酒湯)， 玉桂蘋果卷同一支啤酒。西班牙沙律：有好多新鮮嘅蔬果食材，有蕃茄、紅椒、青瓜、粟米、紫洋蔥等等，配埋酸酸辣辣既醬汁，開胃。海水啤酒海鮮火鍋 (蕃茄忌廉啤酒湯)：員工先放上小小的火爐同茶壺，內裡全部係啤酒蕃茄湯。跟著，黎左四碟小海鮮，有蝦、帶子、蜆、蟹鉗和螺肉。帶子、蟹鉗和螺肉已預先烚了半熟。等了一陣，當湯開始熱熱哋既時候，我哋開始放半熟既海鮮黎食。新鮮既海鮮帶有少許啤酒味，但飲了啤酒既老公就只能食到海鮮味!由於係露營壺既關係，一切都要慢慢等熟先能進食。最後，果壺蕃茄湯飲到唔停口，因為壺湯有蕃茄味、啤酒味同海鮮味，味蕾簡直係唔知點形容。玉桂蘋果卷：暖暖的，個酥皮很脆，不算太甜，裡面有好多腍左既蘋果片，