團日式拉麵

Open Now

Now Closed

疫情持續，唔知幾時先可以去到日本旅行，好掛住日本嘅野食🇯🇵今日喺荃灣行街，見到依間拉麵店出面竟然擺咗一部自助買票機🍜喺香港食拉麵通常都係就咁寫紙仔同店員落單，好少見到好似日本咁有部售賣機，揀好拉麵買完飛先入去坐低，勁有日本feel，咁啱未食午餐，就入去試一試～🐟🐷魚介拉麵拉麵店主力賣四款拉麵，有魚介、黑蒜油、辛味同櫻花蝦，今次試咗魚介拉麵，豬骨湯底加上鰹魚粉同木魚絲，望落去好似有啲油咁，但食落多了一份鮮味，湯底亦唔算杰，另外特別喜歡塊叉燒有炙燒過，更加食出肉嘅油香！