Video
Read full review
2018-04-30
101 views
又係同男朋友嚟搵食，今次嚟咗一間係K11 對面嘅西餐小店，夜晚8點都唔洗排隊，見啲食物唔太貴就入咗嚟。餐廳面積細細，坐低都幾舒服。睇完餐牌後，決定叫蟹肉芒果他他、雞翼拼盤、海膽黑松露炒飯、煎羊扒同2杯飲品。落單後等大約10分鐘，首先黎既係蟹肉芒果他他。食落幾清新，份量唔算好多，2個人食少少就無晒，不過都食到好多蟹肉架，而且加埋芒果同牛油果，口感豐富咗！之後就嚟雞翼拼盤，反而lee 個我就幾鍾意食同埋份量多返啲，總共有3款唔同味道嘅雞翼，分別係原味、水牛城同焦糖。店員建議我哋順序食落去，咁就可以食到最原始嘅味道。雖然每隻只係單邊，但係都算大隻多肉架，炸漿亦唔會太厚。原味普通；水牛城幾惹味，辣辣地，有啲tabasco味道；焦糖味最特別，唔同平時食開嘅蜜糖味，lee 款焦糖味主要都係甜味多，我男朋友就麻麻地甜雞翼。食完小食後，就到主菜嘅部份，海膽黑松露炒飯嚟先，但係就唔係好聞到黑松露味道，反而海膽就有兩行，我自己食法就係先用紫菜食晒啲海膽先，飯最後食，不過最後發現飯嘅醬汁太甜，應該用海膽撈勻會好啲。個人覺得炒飯太甜，唔係話太好食，建議大家可能撈埋一齊食感覺好啲！至於煎羊扒，比炒飯遲咗半個鐘先
睇完餐牌後，決定叫蟹肉芒果他他、雞翼拼盤、海膽黑松露炒飯、煎羊扒同2杯飲品。
落單後等大約10分鐘，首先黎既係蟹肉芒果他他。食落幾清新，份量唔算好多，2個人食少少就無晒，不過都食到好多蟹肉架，而且加埋芒果同牛油果，口感豐富咗！
之後就嚟雞翼拼盤，反而lee 個我就幾鍾意食同埋份量多返啲，總共有3款唔同味道嘅雞翼，分別係原味、水牛城同焦糖。店員建議我哋順序食落去，咁就可以食到最原始嘅味道。雖然每隻只係單邊，但係都算大隻多肉架，炸漿亦唔會太厚。原味普通；水牛城幾惹味，辣辣地，有啲tabasco味道；焦糖味最特別，唔同平時食開嘅蜜糖味，lee 款焦糖味主要都係甜味多，我男朋友就麻麻地甜雞翼。
食完小食後，就到主菜嘅部份，海膽黑松露炒飯嚟先，但係就唔係好聞到黑松露味道，反而海膽就有兩行，我自己食法就係先用紫菜食晒啲海膽先，飯最後食，不過最後發現飯嘅醬汁太甜，應該用海膽撈勻會好啲。個人覺得炒飯太甜，唔係話太好食，建議大家可能撈埋一齊食感覺好啲！
至於煎羊扒，比炒飯遲咗半個鐘先到，不過質素就唔錯，少少羊騷味，正！同埋話3成真係3成，不過就建議下次可以俾把利啲嘅鋸齒刀。
飲品方面，我同男朋友分別叫咗Blue Marshmallow 同Brown sugar ginger latte。前者賣相幾得意，有啲似富士山造型，淺藍色嘅，飲落係荔枝味飲品，不過就細杯咗啲，ginger latte 就幾好飲！
整體黎講，食物同質素算係唔錯，不過份量方面可能要再調整下，因為依家嘅每碟份量都有啲參差，下次黎嘅話可能會試下lee到嘅竹炭軟殼蟹漢堡！
Post
