鮪世市場 (Closed)

假日去完將軍澳單車公園草地野餐，hea下hea下嚟到晚飯時間，地膽帶咗我地去Tko gateway個街市諗住掃街快食，但行咗一個圈見到呢間壽司鋪，地膽朋友話食過有水準，可以再食，於是心裡掙扎一輪之後（因為原本諗住簡單食就算），都係入去幫襯坐位兩隻手都數得晒，等咗一輪後終於到我地兩個，雖然位置晌街市，但兩位師傅晌你面前遞上壽司，同出面高水平壽司站不相伯仲。都係講番正題，我呢個吞拿魚迷一嚟就叫咗極上本鮪壽司盛($108), 4件唔同水平嘅吞拿魚壽司🍣，最左邊嗰件極上本鮪魚真係無得輸，脂肪比例令你有入口即溶嘅感覺，好好食，另外其他二款都好鮮甜，蔥吞拿魚腩亦都好味，之後仲忍唔住叫多舊蔥吞拿魚腩手卷食至於呢到亦有我好like嘅左口魚裙邊，仲有劍魚腩同埋少啲機會食到嘅真鯛，飯味道同咬口適中，材料有鮮味見個鋪面唔係好大，但有好多款揀，仲喺有師傳親自晌你面前整，絕對係臥虎藏龍👍🏻👍🏻👍🏻👍🏻