Blue's (Closed)

東大街係港島出名既食街，中、西、日、韓、泰菜應有盡有，想喺度站得住腳既餐廳質素一定唔可以差；但哩間開業無耐既西餐廳係位於東大街尾段凹入去既橫巷，就睇你質素如何先！「芝士焗蠔」：本身可以揀唔同煮法（白酒煮、芝士煙肉焗、菠菜汁焗等等），咁揀左比較穩陣既芝士焗啦！都幾多芝士，但D蠔好細隻，同埋焗到出哂水，撈埋D白汁更加變到一pat pat「焗羊架」：面頭有D香草麵包糠一齊焗，都幾淋，同埋夠羊味，唔錯！「墨魚汁帶子risotto」：有一千零一隻帶子咁多，仲要無咩味；risotto有煮到起骨，但唔算太硬，可能要就番港人口味啦；每粒飯都包住墨魚汁，食完都幾「溜」吓，但好滿足食物質素OK啦，但加埋一要over $400，算係東大街比較貴既餐廳，難怪假日夜晚都係得一兩檯客啦！