Video
Read full review
2023-03-26
468 views
為咗慶祝兩位3月之星嘅朋友生日🎂而朋友又想食韓燒就揀咗呢間都知呢度好受歡迎 所以提早咗6點半就到咗唔洗點排隊呢度嘅侍應大部分都係韓國人加上裝修都好有韓國烤肉店嘅風味🇰🇷所以本來係覺得幾有feel餐單方面 佢分別有3個餐同各樣單點菜式啲set分別有豬+牛/ 淨豬/ 淨牛每個set都有2個份量揀咁我哋就嗌咗豬+牛嘅set、豬頸肉、黃油炒飯x2同米酒3款肉入面 牛排骨係最好食肥瘦分布剛好 肉味濃郁又夠Juicy豬皮烤完之後脆卜卜 送酒一流🍶五花肉就soso 最失望就係豬頸肉雖然肉質幾爽 但食落一陣豬除😩就算加埋生菜泡菜夾埋一齊食都食到陣味搞唔掂 食咗一半都冇就放棄咗😖米酒就好大支幾抵飲 好似飲極都仲有咁🤣唔知係我少食韓燒定咩 另外有樣嘅得意嘅係啲泡菜、芽菜同菠菜嘅配菜係會放埋上去一齊燒而唔係放喺啲細碟度呢3樣同其他細碟配菜都係可以最後就係我想講嘅服務問題！上菜時都有幫我哋燒肉同剪肉但每次燒好之後都唔會同我哋講可以食得牛肉都明嘅 可能覺得有啲人想食生啲有啲人想食熟啲但豬肉都係咁 其實真係唔知佢熟晒未就咁熄火就走人 講句可以食得都唔太難啫？一嚟到嘅時候 由於係生日飯所以我哋都有準備蛋糕所以就有問
而朋友又想食韓燒就揀咗呢間
都知呢度好受歡迎 所以提早咗6點半就到咗
唔洗點排隊
呢度嘅侍應大部分都係韓國人
加上裝修都好有韓國烤肉店嘅風味🇰🇷
所以本來係覺得幾有feel
餐單方面 佢分別有3個餐同各樣單點菜式
啲set分別有豬+牛/ 淨豬/ 淨牛
每個set都有2個份量揀
咁我哋就嗌咗豬+牛嘅set、豬頸肉、黃油炒飯x2同米酒
3款肉入面 牛排骨係最好食
肥瘦分布剛好 肉味濃郁又夠Juicy
豬皮烤完之後脆卜卜 送酒一流🍶
五花肉就soso
最失望就係豬頸肉
雖然肉質幾爽 但食落一陣豬除😩
就算加埋生菜泡菜夾埋一齊食都食到陣味
搞唔掂 食咗一半都冇就放棄咗😖
米酒就好大支幾抵飲 好似飲極都仲有咁🤣
唔知係我少食韓燒定咩 另外有樣嘅得意嘅係
啲泡菜、芽菜同菠菜嘅配菜係會放埋上去一齊燒
而唔係放喺啲細碟度
呢3樣同其他細碟配菜都係可以
最後就係我想講嘅服務問題！
上菜時都有幫我哋燒肉同剪肉
但每次燒好之後都唔會同我哋講可以食得
牛肉都明嘅
可能覺得有啲人想食生啲有啲人想食熟啲
但豬肉都係咁 其實真係唔知佢熟晒未
就咁熄火就走人 講句可以食得都唔太難啫？
一嚟到嘅時候 由於係生日飯所以我哋都有準備蛋糕
所以就有問侍應可唔可以幫我哋雪
佢哋就話唔得
咁我哋都覺得唔緊要啦 因為個盒都幾大
可能唔夠位先Say No
食到差唔多嘅時候 我哋再問侍應可唔可以喺度食
佢話可以 所以到食完嘅時候我哋自然拎個蛋糕出嚟
仲有問佢拎匙羹 佢都有畀
拎晒個蛋糕出嚟之後 有個OPPA侍應竟然指住我哋
再整個✖️手勢 示意我哋唔可以食
第一 做得服務性行業
可唔可以畀啲基本禮貌？😅
就算唔識講廣東話或英文 都可以嚟講句Sorry, cant eat？！
第二 我相信我哋唔係第一枱慶祝生日嘅客人掛
員工之間冇共識？🤯
點解一個話得另一個又話唔得
仲要解釋完佢員工有咁講過之後佢都係唔畀
成餐生日飯就因為以上原因而掃咗興😡😡😡
所以都忍唔住一定要寫返篇食評
以呢個價 我諗喺其他韓燒餐廳會有好服務同食品質素
Other Info. :
用餐時間限100分鐘
(The above review is the personal opinion of a user which does not represent OpenRice's point of view.)
Post