盧太太上奶湯水

Open Now

Now Closed

向來都鍾意飲湯水，但係煲湯真係心機之作，又要買料，又要洗洗切切，重要時間睇火，真係一年先煲得嗰一兩次。平時想飲湯都會買湯包，夠曬方便，唔同連鎖店嘅湯包都試過。最近俾我發現葵涌開咗間新嘅湯水店，款式好多，真材實料。但係葵涌對我嚟講太遠，好彩佢哋有送貨服務，今日就送咗兩包湯包嚟屋企。今日試咗蟲草花螺頭豬展湯，同粉葛赤小豆生扁豆鯪魚湯。豬展湯入口好清甜，飲得出係真材實料，佢有抗衰老，滋陰補腎嘅功效。鯪魚湯飲落清清哋，唔會過鹹，佢有清熱下火，去濕嘅功效，好啱而家嘅天氣。兩個湯包都係急凍嘅，所以我將佢放落煲度，熱水加熱六分鐘就飲得，好方便，平時放喺冰格仲可以放多一兩個月，幾時想飲都得。