Video
Read full review
2023-04-01
156 views
佐敦文八樓一帶都有好多食肆，對上星期六去西九睇完日落之後就過去文八樓嗰頭搵啲特式小店食飯。行過文苑街見都有間中東裝橫嘅小店，望落又幾靚，於事乎就俾吸引咗入去。鋪面唔算好大，但有好多土耳其🇹🇷/麼洛哥🇲🇦嘅裝飾同擺設。門面就有四至五張檯，鋪最入仲有一個特式包廂，好適合一班朋友去傾計打卡。餐牌上面就見間餐廳提供多國菜，最吸引到我就係佢哋嘅咖喱中東皮塔餅。（襯返餐廳個主題😂）飲品方面亦都有幾款西班牙同德國嘅啤酒。佢哋亦有bar 枱調配cocktail(但今次就無叫到😆)。先記錄返今次叫咗咩食先。乳酪黃咖喱雞配中東皮塔餅🥘先講味道，食到咖喱由多種嘅香料製成，辣度夠，有後勁。但未到話辣到食唔到嗰個程度。雞肉夠嫩唔柴，份量亦都足夠。咖喱當中亦有洋蔥，粟米仔等等曾加唔同嘅口感。配埋嗰酸忌廉可以令到味道更加貼近中東菜。皮塔餅就類似印度嘅naan bread不過皮塔餅就薄身啲。烤得夠香但係唔乾。火候控製得好好，抵贊。👍🏻喜愛度(5分為滿分): 4秋葵燴羊配中東皮塔餅味道方面，個咖喱同上面嗰咖喱唔同，呢嗰除咗香料味之外多咗份果香。原全唔辣。羊肉味道濃，帶騷味。喜歡食羊嘅一定會鐘意。羊肉亦烹調得嫩滑入味。可
乳酪黃咖喱雞配中東皮塔餅🥘
先講味道，食到咖喱由多種嘅香料製成，辣度夠，有後勁。但未到話辣到食唔到嗰個程度。雞肉夠嫩唔柴，份量亦都足夠。咖喱當中亦有洋蔥，粟米仔等等曾加唔同嘅口感。配埋嗰酸忌廉可以令到味道更加貼近中東菜。皮塔餅就類似印度嘅naan bread不過皮塔餅就薄身啲。烤得夠香但係唔乾。火候控製得好好，抵贊。👍🏻
喜愛度(5分為滿分): 4
秋葵燴羊配中東皮塔餅
味道方面，個咖喱同上面嗰咖喱唔同，呢嗰除咗香料味之外多咗份果香。原全唔辣。羊肉味道濃，帶騷味。喜歡食羊嘅一定會鐘意。羊肉亦烹調得嫩滑入味。可惜嘅係羊肉切件個時留低咗好多細骨，食嘅時侯食得冇咁過引。但整體嚟講味道都係出色嘅。皮塔餅一樣好食，好襯咖喱。好食到我哋追加多一客嚟點埋嗰咖喱。🙈
喜愛度(5分為滿分): 4
兩個咖喱味道道好好，不過個擺盤確實有改善嘅空間。如果個皮塔餅可以分開上嘅話就可以更加好。因為佢冇咁易俾啲咖喱浸得太淋，影響咗個口感。
土耳其棒茶
上檯好靚，嗰set茶具好有中東特式。打卡一流📸。今次點咗紅石榴茶，味道微酸，冇討厭嘅藥水味。飯後飲得好舒服😌
喜愛度(5分為滿分): 4
忌廉梳打牛奶
同想像中有少少出入。味道偏淡，個人想個忌廉梳打味道會出多少少，而家係牛奶味重啲。多幾大杯，食完個飯飲埋都相當之飽😆。
喜愛度(5分為滿分): 3
Post
