尚鮮海鮮料理

Open Now

Now Closed

雖然呢排天氣好熱，但冇阻想打邊爐嘅心情。今次朋友介紹嚟到佐敦呢間樓上火鍋店，雖然店面唔係好大，但係坐位闊落，唔會太嘈雜，都好適合傾計。只係食食下略嫌冷氣有少少唔足夠，但叫返杯清涼嘅啤酒就冇問題啦呢度食物種類眼花繚亂，除咗火鍋之外仲有刺身串燒。為咗打邊爐而嚟咁梗係打邊爐啦，我哋叫咗個藥膳花雕醉雞湯底，嚟到見到有成半隻雞，店員仲幫我地烹調，睇啱時間火候，雞肉軟滑，酒味香濃，藥膳未唔會太重又帶有少少鮮甜，整體balance有層次火鍋料方面，叫左特尚手切安格斯牛，黑豚肉片，四色丸尚盛，鮮炸脆響鈴同生菜。四色丸入面分別釀入配料，味道配起上嚟都幾特別又幾夾，食落有驚喜，唔錯唔錯！鮮炸脆響鈴係必食！食得出係新鮮炸起，熱辣辣，完全冇油益味，非常脆口又唔會太油膩 浸一浸湯食又得，就咁配調味盤個黑醋嚟食又得，簡直一流！不得不讚店員服務態度好好，refill湯底、茶水都好快手。