Video
Read full review
2024-06-26
305 views
難得夜晚行到去佐敦附近，就諗住求其喺附近搵間餐廳試吓，見到呢間評分都好高，又咁啱唔使等位，所以決定食呢間。結果可以話出乎意料之外好食，因為好多時候食Café都覺得味道只係正正常常，但係呢間我覺得係有俾心機落去食材到，所以先特登話係性價比極高。‣ 精選二人套餐 $498· 是日餐湯佢嘅是日餐湯係南瓜忌廉湯，第一啖飲落已經覺得充滿住奶香，但係你仍然會飲得到南瓜嘅甘甜味，飲落去真係覺得喉嚨好舒服，香醇柔滑，兩者平衡得好好。· 日式天婦羅魷魚佢嘅魷魚炸得相當香脆，而且唔會好油膩，食完唔會話覺得好拮口，同埋我諗佢嘅他他醬都幫咗唔少。比起平時嘅他他醬，我覺得佢嘅醬落檸檬汁都落得幾重手，但都正正因為係咁，所以食天婦羅嘅時候先唔會覺得好油膩，我反而都幾鍾意咁重檸檬汁嘅他他醬。而且你會見到佢嘅炸衣有紫菜碎混合喺入面，我覺得真係夠誠意。· 龍蝦汁波士頓龍蝦意大利飯本身我係諗住可能有啲龍蝦肉碎灑喺面，點知上枱嘅時候就見到半隻龍蝦擺喺上面，嗰下真係覺得呢個價錢冇得輸。龍蝦嘅膏好香，肉質算幾彈牙。佢嘅龍蝦汁我覺得都調配得好唔錯，啲飯粒食落幾綿密，每一啖都真係食到龍蝦汁嘅鮮甜味。睇住都幾大兜，但係食吓食吓都覺得幾
‣ 精選二人套餐 $498
· 是日餐湯
佢嘅是日餐湯係南瓜忌廉湯，第一啖飲落已經覺得充滿住奶香，但係你仍然會飲得到南瓜嘅甘甜味，飲落去真係覺得喉嚨好舒服，香醇柔滑，兩者平衡得好好。
· 日式天婦羅魷魚
佢嘅魷魚炸得相當香脆，而且唔會好油膩，食完唔會話覺得好拮口，同埋我諗佢嘅他他醬都幫咗唔少。比起平時嘅他他醬，我覺得佢嘅醬落檸檬汁都落得幾重手，但都正正因為係咁，所以食天婦羅嘅時候先唔會覺得好油膩，我反而都幾鍾意咁重檸檬汁嘅他他醬。而且你會見到佢嘅炸衣有紫菜碎混合喺入面，我覺得真係夠誠意。
· 龍蝦汁波士頓龍蝦意大利飯
本身我係諗住可能有啲龍蝦肉碎灑喺面，點知上枱嘅時候就見到半隻龍蝦擺喺上面，嗰下真係覺得呢個價錢冇得輸。龍蝦嘅膏好香，肉質算幾彈牙。佢嘅龍蝦汁我覺得都調配得好唔錯，啲飯粒食落幾綿密，每一啖都真係食到龍蝦汁嘅鮮甜味。睇住都幾大兜，但係食吓食吓都覺得幾開胃，佢仲有一啲三色椒同蘑菇弔味。
· 炭燒澳洲肉眼牛扒
覺得驚喜個位係佢真係煎到medium，而且個牛扒本身都好香牛味，肉質軟嫩，肥瘦均勻，所以我先會覺得餐廳本身有用心係挑選食材到。牛扒本身都有適量嘅鹽同埋胡椒調過味，其實唔使搭配醬汁都已經好好食，同時我覺得佢嘅醬汁都唔會搶咗牛本身嘅味道。至於焗薯我都幾鍾意，不過蛋黃醬稍微有少少濃味，好容易有飽腹感。講係咁講，其實我覺得真係冇嘢好挑剔。
· 是日甜品 & 飲品
佢嘅是日甜品係芝士餅同埋朱古力雪糕，我就揀咗每樣嚟一份，冇諗過佢嘅朱古力雪糕係直接一杯Mövenpick。我本身真係諗住純粹一個普通雪糕球，呢一下真係有啲驚喜到。至於佢嘅芝士餅我覺得正常發揮，都幾好食，芝士味算係輕盈，唔會話因為芝士味太過濃稠而變得甜膩。飲品我就揀咗兩杯冰果茶，見到有啲菠蘿粒，飲落去嘅時候唔會話好甜，都幾舒服，稍微帶少少苦澀嘅茶味，個人覺得都幾解膩。
Post
