Plato Cafe & Bistro (吳松街)

今日去開佐敦，成日見到呢間Cafe決定入去試下，睇完餐牌都係叫餐性價比會高啲，所以我哋揀咗⭐️$498 精選二人套餐⭐️頭盤揀咗自家餐湯配餐包+紐西蘭青口，青口鮮甜肉嫰，醬汁惹味開胃，餐廳做緊宣傳，只要👍🏻 FB / IG 就可以有一份免費🍟松露薯條，即炸熱辣辣配少少黑松露粉好味！🍝法國鵝肝松露野菌扁意粉晚市套餐係冇得揀呢個意粉嘅，呢個都係吸引左我哋揀呢個二人套餐嘅原因，鵝肝嘅油脂香味同個松露醬意粉好夾。🥩美國安格斯肉眼牛扒 牛扒比預期大份，外面煎得好香入面剛好五成熟，脂肪唔會過多，肉質嫩度適中。🍹🍨餐廳飲品選擇眾多，只要加錢就可以跟餐配特色飲品，好多款都好吸引，叫咗Oreo Milkshake (+$26)同Iced Spanish Coffee (+$16) ，兩款飲品水準都好高，好滿意😌忍唔住+$48叫埋🍫🍨心太軟配雪糕，心太軟流心效果非常好，朱古力濃度夠，冷熱嘅口感永遠都係咁正！💁🏻‍♀️整體食物質素唔錯，餐牌選擇彈性，豐儉由人，座位非常舒適，適合一班人聚餐。