晴の居酒屋 (Under Renovation)

香港連鎖嘅餐廳實在太多，各大商場嘅食肆幾乎完全一樣。如果想搵到師傅精心嘅出品，真係要落足心機去搵，舊區小店命中率會高好多。佐敦文英街嘅晴の居酒屋，聽職員講其實唔係開咗好耐，地方雖然唔係好大，但係裝修落足心機，佈置到成個日本咁，而且仲貼咗好多漫畫嘅海報，仲有一幅富士山。餐廳旁邊仲有一個榻榻米，一班朋友可以包嗰個房爆食飯。Menu設計精緻，天婦羅 串燒 一品料理 刺身 壽司都有得，小店嘅講都算多選擇。◾︎芝士年糕◾︎牛舌芯芝士年糕，上枱嘅時候係啱啱整好，軟綿綿嘅表面再加入面嘅流心，正！牛舌芯，用上咗最幼嫩一節，質感柔軟，肉汁豐富。◾︎原隻吉列蝦 ◾︎日本南瓜天婦羅 吉列蝦，炸到好脆身，好乾爽，唔會過分油膩。可以連埋個頭食，肉質好彈牙又甜。◾︎銀鱈魚西京燒必點！混成西京漬，味道帶甜，肉質細緻、油脂豐厚又多汁，師傅將個表面煎到好焦香，魚油四散。◾︎鵝肝黑松露多士好肥美！配上黑松露，淨係香味已令人垂涎，配上多士減少油膩感，一件太邪惡要同人share!!