熊貓甜品屋 (Closed)

係佐敦食完拉麵，就搵到間得意以熊貓做主題既甜品屋「熊貓甜品屋」，去到鋪頭門口，發現有一隻人咁高既熊貓公仔，真係熊貓控至愛呀。入到鋪內面，不論裝飾，桌面餐具都係用上大小不同既熊貓圖案，充滿可愛既感覺。🐼今次我地點選了：「半熟蜂蜜流心蛋糕$58」、「小熊焦糖蜂蜜吐司伴雪糕球$48」、「小熊脆脆心太軟伴朱古力雪糕$52」。🐼🍨🍞🍮🍫「半熟蜂蜜流心蛋糕$58」原來呢個流心蛋糕係每日限售，可能我地放左太耐先食，到切開進食既時候，流心既狀態不見了，但食落香濃蜂蜜味道，唔會太甜，份量足夠3-4人進食。🍮「小熊焦糖蜂蜜吐司伴雪糕球$48」賣相好豐富，好萌既小熊曲奇1件，烘焗既吐司有4件，有唔少既芒果同火龍果作伴碟。雲呢拿味雪糕配上烘焗剛好既吐司，再沾黏奶油，食落又creamy又香脆，口感豐富。🐼🍞🍨「小熊脆脆心太軟伴朱古力雪糕$52」賣相都好吸引，1塊萌萌既小熊曲奇，另有1球朱古力味雪糕、朱古力脆脆，一切開心太軟，暖暖既香濃朱古力即處流出，食時一啖心太軟一啖雪糕，口感豐富，甜度剛剛好。🐼🍫🍮🍨「餐牌」我已經影左上載至openrice既「餐牌」入面啦，方便大家查閱相關菜式。📋