Video
Read full review
2023-02-13
334 views
餐廳由韓國人主理，主打精緻韓式Fine Dining，落地玻璃令空間感及採光度十足，可惜當日窗邊位已full，否則可一邊欣賞夜景，一邊享受美食，感覺會更完滿😮💨🇰🇷Oouli 9 Courses Tasting Menu（$1,480/位）.🇰🇷Oouli Bu Gak以紫蘇油炸及三次風乾嘅釜山海苔及濟洲海藻，入口非常鬆脆，且有淡淡紫蘇香，蘸配自家製三色豆腐醬，係唔錯嘅前菜😌🇰🇷Jagal-Chi刺身有三款，分別係醬油漬吞拿魚、72小時醬油大蝦及韓國左口魚。吞拿魚帶淡淡醬油香；大蝦只經72小時醃浸，肉質仍保持爽彈，醬油味香而不濃，與市面一般嘅醬油蝦有明顯分別；初嚐未經炙燒嘅左口魚，入口少了油香，但口感清淡鮮甜，與海鮮辣醬及麵豉醬同食，味道出奇地夾😌🇰🇷Deul Kkae-Juk粥底以韓牛、蜆肉、韓國時令蔬菜及自家大米熬煮15小時，入口充滿濃香牛味及蔬菜天然甜味，另配以人蔘雞湯及自家大米製米餅，非常有特色😌🇰🇷Han-Ip組合一冷一熱，韓國橡子果凍賣相好靚，配章魚片同食，有啲似韓式水冷麵，又fresh又開胃；炸豆腐鱈魚籽三文治外脆內軟，帶濃濃豆香😌🇰🇷Bo Yang-Sig韓式蔘雞湯燴
🇰🇷Oouli 9 Courses Tasting Menu（$1,480/位）
.
🇰🇷Oouli Bu Gak
以紫蘇油炸及三次風乾嘅釜山海苔及濟洲海藻，入口非常鬆脆，且有淡淡紫蘇香，蘸配自家製三色豆腐醬，係唔錯嘅前菜😌
🇰🇷Jagal-Chi
刺身有三款，分別係醬油漬吞拿魚、72小時醬油大蝦及韓國左口魚。吞拿魚帶淡淡醬油香；大蝦只經72小時醃浸，肉質仍保持爽彈，醬油味香而不濃，與市面一般嘅醬油蝦有明顯分別；初嚐未經炙燒嘅左口魚，入口少了油香，但口感清淡鮮甜，與海鮮辣醬及麵豉醬同食，味道出奇地夾😌
🇰🇷Deul Kkae-Juk
粥底以韓牛、蜆肉、韓國時令蔬菜及自家大米熬煮15小時，入口充滿濃香牛味及蔬菜天然甜味，另配以人蔘雞湯及自家大米製米餅，非常有特色😌
🇰🇷Han-Ip
組合一冷一熱，韓國橡子果凍賣相好靚，配章魚片同食，有啲似韓式水冷麵，又fresh又開胃；炸豆腐鱈魚籽三文治外脆內軟，帶濃濃豆香😌
🇰🇷Bo Yang-Sig
韓式蔘雞湯燴飯好有特色，面層有雞絲，每粒飯都吸收咗人蔘雞湯，好似食緊risotto，另配人蔘片、紅棗及松子仁同食，製造出不同風味😌
🇰🇷Jill-Tang
海鮮清湯好鮮甜，另將高湯打成泡沫亦可增加視覺效果，而釜山鮑魚則彈牙鮮味😌
🇰🇷Jan Chi
澳洲和牛烤得恰到好處，肉質軟嫩且肥瘦均勻，咬落去充滿肉汁，與甘荀蓉同食，味道唔錯😌
36小時慢煮濟州黑毛豬五花
豬五花經36小時慢煮，肉質仍能保持軟嫩，配紫蘇葉及蘿蔔片同食，有啲似食緊韓式燒肉😌
🇰🇷JinSu-Sung Chen
珍珠米於釜山自家農田種植，入口香甜軟糯且飯香撲鼻，另5款時令釜山伴菜中，以醃漬魷魚最為出色，而鰻魚湯經48小時熬煮後，味道亦十分濃香鮮甜😌
🇰🇷Hu-Sig
糯米年糕窩夫餅煙靭軟糯，自家製雲呢拿雪糕奶味重及幼滑，食多一碟都仲得🤭
Post
