慶麵 (Moved) New Location

星期六放工同大佬去大角咀，諗緊食咩之際，行經呢間都經過無數次嘅慶麵，入面啱啱有一檯客人離開，咁就試試。因疫情關係，入舖前都會量體溫，而舖內都會隔一張檯先可以有客人。當日坐喺門口隔離張檯，天氣熱嘅情況下舖內冷氣不足，而且舖門係趟門，經常冇閂好，熱氣湧入，成餐飯大佬係咁幫手閂好道門。當日點咗：-菜肉雲吞慶麵-菜肉雲吞菜甜肉香，調味得宜。麵質方面食落有啲似曾熟悉嘅感覺，啲啲煙韌彈牙，好似粗版嘅陽春麵咁。麵面仲有一絲絲啡色炸過嘅蔥，夾埋啲麵一齊食，口感豐富，蔥味香濃。內有蘿蔔一大舊，索咗湯汁加上原身嘅甜味，咬落juicy十足。湯頭望落色清，但但飲落都幾夠味，豆卜索埋啲湯一齊食非常滿足。巴東牛肋條慶麵-牛肋條食落牛味香濃，油份十足，不過好靭加有渣，我完全咬唔爛，口感真係麻麻。麵、豆卜、蘿蔔都水準一致。XO醬蟹肉小籠包-小籠包皮都算薄，夾起時可以睇到包內湯汁滿溢，熱辣辣蒸好上檯，要小心翼翼咁從包頂吸啲湯汁，以免熨親，湯汁普普通通，唔突出，食落都係一般，最重要係完全食唔到一丁點蟹肉同XO醬味，成件事係得個皮OK之外，其他都敗筆。總括-價錢都算中上，每碗麵平均都成$50以上包一款罐裝飲品。小籠包都好似