Are U Labeler

Open Now

Now Closed

放工約朋友食一飯，突然想食all day breakfast，搵搵下，我同朋友就搵到依間cafe。門口出面己經好有feel ，霓虹光管嘅門口，而且外面有張枱可以比想望戶外嘅人用。入面都幾靚，有啲乾花嘅擺設，而且有啲公仔，比人一種悠閒生活嘅感覺。而餐廳牆係藍色嘅油畫，為餐廳添加咗一種新潮藝街嘅感覺。我地仲發現Are u Labeler 係一間動物友善嘅餐廳，歡迎啲主人帶佢地嘅寵物去食野。食物種類都好多，而且仲有畫碟嘅服務。All day breakfast （全日早餐）🥞 $108。份量好大，而且好豐富，牛角包烘得鬆脆可口，黑機露炒蛋細滑。另外嘅煙肉丶沙律丶腸仔同煎蕃茄丶大啡菇都好入味，而沙律加咗酸醋，酸甜嘅感覺好開胃。Chocolate 🍫 (熱朱古力）$40。大大杯，而且上面嘅拉花好細緻同好有心機，不過甜咗少少，如果無咁甜就好。Black truffle mix mushroom paste( 黑松露雜菌意粉）$82。份量好大，雜菌份量都好多，不過意粉硬咗少少，如果軟身少少就完美，我地食得好飽好滿足。整體都唔錯，可以一試。