何車車仔麵 (界限街) (Closed)

今次係太子試食左小店《何車車仔麵》，舖位細，大約最多都係坐到8-10個人，咁細間舖頭反而俾人感覺乾淨整潔。裝修簡單舒服，有小小文清感覺。坐底睇點餸紙，除左車仔麵仲有飯食，但車仔麵比食飯，當然車仔麵既餸比食飯仲吸引。車仔麵底有多款選擇，除左河粉、米粉、米線、粗麵、幼麵等基本麵底，佢仲有上海麵、烏冬、出前一丁、撈麵等。撈麵仲要分蒜油撈麵、黑松露撈麵同埋蝦子撈麵，真係幾多口味選擇架。麵底都咁多款，餸就更加喇。我叫左炸魚皮、飛天牛腩、豬紅、豬大腸、牛柏業、龍蝦丸、竹笙同金菇。湯底我就加左咖喱微辣，咁熱唔想太過熱辣辣。粗麵爽口，牛腩好入淋食完實唔（痴）牙，但豬紅唔夠滑，豬大腸同牛柏業都夠晒味，正。