azito (Closed)

一個從遠方去到呢度讀書，已經有兩年， 雖然住緊宿舍，地點方便，但其實，唔係經常出去食飯。剛巧今日行到邊一度見到，光線明亮，座位又多入座又快。有梳化，有座椅，任君選擇。裝修以文青風為主，木系和布系嘅用品，加少少園藝嘅設計，坐落非常之舒服，衛生乾淨，餐廳地方寬敞。 於是我就入咗去… 🤓 呢個全日早餐非常之豐富，有烘焙咗嘅多士， 香香脆脆。 有滑溜嘅炒蛋，份量豐厚，淡淡鮮奶和牛油香味， 中間還有一小拙類似黑松露，我最欣賞呢個炒蛋不過。 而且呢個仲有薯菜，分量非常驚人。