XOXO Café Lab (Closed)

是日過嚟探夠朋友，選址呢一間新開嘅cafe , 朋友話呢幢商場大翻身，多咗好多食物款式，其中一間吸引佢嘅就係呢間裝修特別又有公主感覺嘅餐廳。接近黃昏嘅時間，我地點左杯花茶，個花茶夠兩份分，花味清香無限加水，我自己喜歡洛神花個種帶點酸酸甜甜嘅感覺，呢杯洛神花茶十分之適合。仲要配上咁靚嘅茶杯令人賞心悅目點左個豬排骨配芝士，芝士嘅份量多到震撼，韓式風格，芝士有拉絲效果，好味，豬排骨份量夠多，肉亦都很鬆化，食完已經飽左一半。其實已經半飽狀態先記起自己叫咗個三文治，等左一陣，我終於明白點解呢個三文治要等咁耐。到底呢一個係咪一個三文治？用上厚切麵包，分量豐富直情係一座山，我叫嘅係雞扒煙豬肉三文治，餸菜份量多到估佢唔到，雞扒同煙豬肉都熱辣辣，配上秘製醬汁，仲有伴碟嘅辣醬都好好味。上層仲有美味嘅疏乎厘裏面仲有流心嘅蛋黃，配上麵包食好正！多士焗過後十分之鬆脆，我自己覺得佢係鹹吐司，比形容佢做三文治更為適合。插支蠟燭可以當蛋糕咁吹！佢嘅形態十分之特別，但係味道都同樣出色。令我驚喜嘅係配有足料嘅蔬菜。十分均衡。還有值得一提嘅係呢度嘅價格合理，食到咁飽埋單都係二百零蚊，座位舒適而且感覺真係好公主！