佳牛美酒 (Closed)

餐廳好近港鐵站，行幾分鐘就到。一出電梯就見到一個酒櫃，唔單只有氣派，仲放咗好多靚年份嘅名酒😎。我哋食四人餐，廚師會介紹牛嘅邊一部份，同埋係你面前整，服務再加分。前菜係廚師沙律，好似係日本水菜，一啲都唔hea。仲有燒北海道帶子，大大隻，加特别醬料好鮮甜。跟住開始食牛🐂啦。A5日本和牛牛板腱，新鮮嫩口，食到葱粒，啱我口味😘。另外仲有牛三角和牛小排，都好好食。每個牛部位嘅口感同味道都唔同。燒大磨菇好新鮮🍄，雜菌加上黑松露，濃淡適中，勁野味。到美國厚切牛舌，好軟身，口感好特別。之後食檸檬雪葩，清清口腔，等我哋試真啲跟住落嚟嘅重頭戲，好有心思。檸香好清新🍋。由食嘢之前介紹到而家，澳洲和牛M9+終於出場啦……唔點調味料，外脆內軟，勁好食👍👍。再試下點芥辣，加幾片脆脆蒜片，都好正。跟住又試下點黑椒醬，真係有驚喜，啲黑椒唔辣，好新鮮好香，同和牛超夾，加上紅酒絕配，係我成晚嘅至愛😍。講到酒，啲紅酒好靚🍷，有果香，好易入口。後嚟同事又開咗支瀨祭磨き二割三分，係用米粒磨到得翻23%釀製而成，係日本酒最矜貴㗎🍶。正呀！到和牛温泉蛋飯，半生熟嘅蛋同牛肉撈埋一齊食，又滑又多汁，係我食過以嚟最好食嘅温泉蛋飯😋。臨尾