半路咖啡 (Closed)

早幾日約好朋友嚟個小聚，餐廳就揀左上環嘅半路咖啡，打算嚟吸收下文青氣息。上環站A出口一直沿樓梯向文武廟方向走，果然係半路咖啡，小店就設係樓梯旁邊，唔仔細留意都唔會發現。門面雖少，但麻雀俱全，晏晝三點幾，已經三三兩兩坐到全員滿座。店內裝飾走清新復古風，完全係文青影相好地方。最特別係採用中國風咖啡杯，福祿壽老瓷杯配西式拉花咖啡，睇都覺得賞心悅目。真係好香港。我最愛嘅flat white，口感順滑。並非咖啡癡，但飲咖啡獨好flat white，呢杯已經滿足到我要求。飲到一半見到拉花都仲keep到，好飲Sourdough就係口感十足，唔會似空氣包咁食兩啖就咩都無，更加啱我口味嘅係唔似某啲ciabatta 咁成條柴咁硬。配上鮮嫩炒蛋同香脆而唔油嘅煙肉，值得一試。雖然咖啡為主，但野食都十分之有水準。朋友叫嘅Cappuccino，見佢飲到尾，相信都好飲。