大渣哥茶記 (Closed)

侍應極冇禮貌。中午成班同事去食飯，有幾個食咗常餐黑牛有幾個食咗炸雞髀飯。平時成班同事食飯都算快，大約二十分鐘都會食完。但個侍應見你食完常餐個麵準備食方包腸仔嗰時，個侍應都已經走過來收走你個麵碗。到剩返啲同事食完個飯，杯野飲重有四分一剩，都未飲曬就開始係咁問杯嘢飲仲要唔要。唔要收走。唔要收走。跟住本身帶位嗰個侍應見你哋差唔多食晒就再走過黎，話要收返張枱因為出邊仲有好多人排隊。咁我哋成班同事都話好啦，攞錢出嚟準備俾錢走人。兩秒都唔夠個帶位侍應回馬槍再走返返嚟爆左句:’識唔識聽人話,要唔要我再講多次？’佢個樣臭串到一個點。好似遲1秒就到當你係殺父仇人咁。我哋成班同事呆左。我覺得應該要寫返件事出嚟。無下次。