YAKINIKU KAKURA (新城市廣場一期)

Open Now

Now Closed

最近天氣轉涼，真係想食啲熱辣辣嘅美食，於是就想到去沙田新城市廣場嘅Yakiniku Yakura享受一餐燒肉。餐廳環境舒適，非常適合同朋友聚餐。每次食燒肉都會點泡菜大根，酸酸地既味道搭配燒肉，真係開胃。燒肉方面，若鶏雞腿同牛板腱肉都唔錯，特別係黑毛和牛腹柳小排，燒出嚟香氣四溢，肉質滑嫩，油花又多。仲有大判燒嘅黑毛和牛西冷，呢個都係必點之一，入口即化，濃郁肉香配上適當嘅油脂，每一啖都好滿足。冷麵嘅份量亦都幾足，麵條彈牙，醬汁搭配得幾好，清爽得來又可以解油膩。巨峰提子乳酸梳打同青森蘋果乳酸梳打，味道清新，食完燒肉再飲梳打，感覺好舒服。仲有依家只要LIKE & FOLLOW & SHARE，即送和牛壽司，件牛勁大件，好少免費既咁足料，記得唔好錯過。整體來講，食物質素高，服務人員都好用心招待，有和牛壽司送都係多得她們提我，呢間Yakiniku Yakura絕對值得再來！