Chip in Fish & Chips (Closed)

路過見到舖頭門口擺放咗隻卡通偵探貓 ，仲以為係cafe；原來係間英式炸魚薯條店。舖頭地方細，1個人顧店開放式廚房。室內擺咗2張小木檯，加幾個面壁座位。可能呢度主力做外賣生意，所以位置唔需要太多。點咗份細嘅炸魚薯條，炸魚薯條都係即叫即炸；肥嘟嘟薯條薯仔味甜。炸魚柳應該係用鱈魚（絕小食熟魚所以唔太識分），炸漿唔係超厚食粉嗰隻；薄皮鬆脆的。魚柳新鮮厚身，炸完都juicy唔乾身。下次可以食個大size...調味料唔多選擇，有醋同他他醬。點醋可以提升到個鮮味，不過我都係鍾意他他醬多d。另外再點咗個腸仔包薯條，腸仔應該係買現成的；質素都OK。