Video
Read full review
2012-11-20
419 views
源興 , 本是專營水果店 , 大閘蟹季節到來時兼賣正宗太湖大閘蟹路過時阿姐聲稱佢老細入o既全是靚蟹 , 我地順帶一問點分好壞 , 佢答我地 , 好教講 , 要買返去試過比較過就會知道邊家蟹最靚既然阿姐如此坦白 , 又幾友善幾健談 , 我地就先o係呢度買兩隻揀左較大o既五兩 $ 68 太湖大閘蟹 , 因為阿姐話大隻 d 膏濃味 d ~ 隨蟹物 : 1. 紫蘇葉 : 完整一片片 , 用小透明袋袋好 , 並以膠紙封妥 , 很整潔2. 醋 : 原枝裝同順興香醋 , 味道偏酸 , 要自行加入黃糖調味3. 薑 : 新鮮乾淨 , 本身比左一小粒 , 我地想要多 d , 佢地都好好 ,話呢 d 唔值錢 , 爽快地比多一舊我地 , 返家切開一睇 , 好夠老 , 正 !!4. 黃糖 : 好似咖啡糖咁 , 透透地明 , 用拉鏈袋裝好 , 十分整潔~ $ 68 一隻太湖大閘蟹公 :蟹身睇起黎唔算大隻 , 不過拎上手都真係幾夠斤兩 , 大約蒸左 25 分鐘 , 無太多黃油漏出 , 蟹腳蟹鉗都只係一般 size揭開蟹蓋 , 說真的有 d 令人失望 , 蟹膏唔算多 , 亦不艷黃 ,偏暗啞 , 味道都太濃郁 , 反
源興 , 本是專營水果店 , 大閘蟹季節到來時兼賣正宗太湖大閘蟹
路過時阿姐聲稱佢老細入o既全是靚蟹 , 我地順帶一問點分好壞 , 佢答我地 , 好教講 , 要買返去試過比較過就會知道邊家蟹最靚
既然阿姐如此坦白 , 又幾友善幾健談 , 我地就先o係呢度買兩隻
揀左較大o既五兩 $ 68 太湖大閘蟹 , 因為阿姐話大隻 d 膏濃味 d
~ 隨蟹物 :
1. 紫蘇葉 : 完整一片片 , 用小透明袋袋好 , 並以膠紙封妥 , 很整潔2. 醋 : 原枝裝同順興香醋 , 味道偏酸 , 要自行加入黃糖調味
3. 薑 : 新鮮乾淨 , 本身比左一小粒 , 我地想要多 d , 佢地都好好 ,
話呢 d 唔值錢 , 爽快地比多一舊我地 , 返家切開一睇 , 好夠老 , 正 !!
4. 黃糖 : 好似咖啡糖咁 , 透透地明 , 用拉鏈袋裝好 , 十分整潔
~ $ 68 一隻太湖大閘蟹公 :
蟹身睇起黎唔算大隻 , 不過拎上手都真係幾夠斤兩 , 大約蒸左 25 分鐘 , 無太多黃油漏出 , 蟹腳蟹鉗都只係一般 size
揭開蟹蓋 , 說真的有 d 令人失望 , 蟹膏唔算多 , 亦不艷黃 ,偏暗啞 , 味道都太濃郁 , 反而蟹身開半後黏住o既膏仲香 ,
有少少似流沙奶黃包o既奶黃餡 , 但都無阿姐講得咁好食 ,同 $ 40 一隻o個 d 相比 , 份量同味道都唔爭得遠 , 有 d 不值
較為出色o既係 d 蟹肉好實淨 , 鮮甜無比 , 唔捨得點落陳醋度
## 雖然隨大閘蟹附送o既配料都為眾店最乾淨企理 ,
但論大閘蟹o既質素 , 又似乎係被比下去 , 整體只屬 ok 吧 ~
Post
