炊豕店 (威靈頓街) (Closed)

喺中環附近返工，放咗工之後想同朋友搵啲嘢食。行到去中環扶手電梯附近，見到呢間好低調嘅餐廳，就入咗去食啦。冇諗過原來喺中環都有咁平嘅嘢食。一個飯都只係50幾蚊，仲要有肉有菜。都有好多唔同嘅選擇，而我就揀咗比較吸引嘅叉燒炒蛋。除咗飯之外，我仲帶咗一隻煎蛋，一盒炒蛋，一盒雞翼同埋一碟魷魚鬚。啲飯一上到黎真係好香噴噴，炒蛋好嫩滑，仲有啲蛋汁。啲叉燒一啲都唔乾，好好味。至於隻煎蛋，係一隻太陽蛋配甜豉油，冇咩特別，唔會太難食都唔會話特別好食。一個炒蛋加$10就叫到，真係好抵食。個炒蛋上黎嘅時候，佢嘅蛋香真係好正，其實我真係好鍾意食蛋。我哋仲點咗兩個炸嘢食，魷魚鬚同埋雞翼。揸出嚟好香脆好好食，魷魚酥個粉漿一啲都唔厚，好脆，而且個調味啱啱好唔會太鹹唔會太淡。佢仲配左一個醋，所以食落覺得一啲都唔肥膩。至於個雞翼上面有好多芝麻，同埋炸過，所以好香口好脆。而且個雞翼唔會太過乾，仲保留到啲肉汁。最後，因為叫咗好多炸嘅嘢，所以我哋叫咗支五花茶來降火。