弁当焼 (Closed)

今次已經係我第二次嚟買呢個弁當食。見佢新出咗沾麵便當咪買返屋企人分享。成個便當包咗炭同火柴，隨時隨地都可以享受到燒肉嘅樂趣。今次再食咗比較靚嘅牛肩胛肉，香甜多汁，點燒肉汁食一流，仲有飯、前菜。夠曬一個人食。另外有新出嘅沾麵便當，用炭火燒滾沾麵汁。有半個糖心蛋同埋兩片叉燒，仲有竹筍同紫菜。分分鐘平過出面拉麵舖嘅沾麵。最緊要係可以拎返屋企慢慢食仲要熱辣辣。便當可以keep到2個鐘頭，屋企遠啲都冇問題。