和田便當

Open Now

Now Closed

今日去左數碼港買lunch，和田便當，之前食過黃竹坑分店，朝早十點半之前訂定就去拎，今次就食總店，去到見到有個販賣機，show 個QR code 就可以取貨喇，好方便。飯盒價錢性價比高，而且包飲品或味噌湯，飲品有好多款日本出產的，有2 個雪櫃，有啲要補錢，我就揀左我心儀既ucc 原味咖啡，一直都喜歡ucc咖啡，罐裝都好味，好濃炭燒咖啡味。我叫左豚肉燉薯仔 $56，餐廳全用日本米，口感一流，飯不會過硬，一粒粒有咬口，便當好豐富，有主菜豚肉薯仔外，仲有蛋、蕃薯、蘿白、豆，味道偏淡，感覺健康。另一款叫左韓風芝士香辣焗雞$66，味道較香口，焗雞嫰滑不錯，芝士好大片，飯盒精美，食飯都開心啲！不過外賣就會快凍，我翻熱左個味噌湯飲，好正，配飯好好食。