和喜雲南米線

Open Now

Now Closed

今日口淡淡想食碗酸辣米線，見呢間咁近公司得呢又未試過，就去試吓先。一入到去仲有幾張吉枱，不過臨近食飯時間都係俾亞姐好似玩切俄羅斯方塊咁砌咗去一張坐咗三個人嘅圓枱度，啲位仲要都幾迫吓。嗰刻望住其他吉枱係無奈嘅，不過到將近食完嗰陣，見佢全場滿座之餘仲要有人等緊位，俾人俄羅斯，又抑或去俄羅斯人，都只不過係遲早嘅事。原本無諗住食肉，不過見佢個豬頸肉係推介就即管叫黎試下，雖然個樣好似白烚咁，口感又有少少鞋，不過陣味唔錯，有好大陣嘅酒味，以乎用咗好多酒落去醃，都幾香， 湯底方面都係嗰啲酸酸辣辣咁啦，我嗌咗小辣，阿姐聽錯咗微辣，啱啱上枱嗰陣辣嗰方面確實係唔夠喉，好彩佢擺喺枱面嗰一盅辣椒油都唔係流野，夠哂香辣，因為嗰隻花椒油嘅香味令到我相信就算嗌廚房加辣，應該都係落呢一 pat 野。除咗要持有方塊嘅心境之外，食完之後成個下晝都幾頸渴。