Video
Read full review
2018-10-18
98 views
放假，去了女人街搵食。見到一間新野，有蠔食、又有扒食，仲要平民價，一於試吓。店員推介有呢個一人餐，百零二百蚊就有前菜，有蠔食，有餐湯，主菜扒餐同埋餐飲，好豐富喎！見到餐牌個名經已笑左，美女與豬扒應該是不能兩全的吧？呢個名好有矛盾感。鮮海膽撈冷烏冬打頭陣的頭盤，用左半板海膽的冷烏冬。海膽見到都覺得好可愛唷！烏冬就煙煙韌韌，已有淡淡的調味，唔錯喎！甜酸胡麻醬冷蕃茄近排發現都幾多餐廳開始流行用原個去皮蕃茄做冷盤，一般都以沙律醬做 dressing 。但呢間用左麻醬，另外仲食到甜甜地，可能係加左糖。而且夠冰凍，味道幾討好。生蠔散叫的話，成 $30 一隻，但套餐竟然包埋。試過之後果然係堅，好鮮甜，好新鮮，質素絕對有專食蠔吧的級數。真係冇失禮，有衝動想叫多半打...... 白汁磨菇芝士焗蠔濃濃芝士，配上鮮味的蠔肉。堅係金黃色架，食落仲幾 juicy , 冇 over cook 但比較起來，生蠔正D呀！餐湯係蕃茄濃湯，有蕃茄、薯仔同雜菜，味道係酸酸地幾開胃的。好足料又夠熱，飲得出唔係罐頭湯。有誠意，我鐘意。松露白汁@美女豬扒(左）主菜以熱石盛載熱辣上枱，超大份，超驚喜。兩份餐一齊放在熱石上食，全程滋
店員推介有呢個一人餐，百零二百蚊就有前菜，有蠔食，有餐湯，主菜扒餐同埋餐飲，好豐富喎！
見到餐牌個名經已笑左，美女與豬扒應該是不能兩全的吧？呢個名好有矛盾感。
鮮海膽撈冷烏冬
打頭陣的頭盤，用左半板海膽的冷烏冬。海膽見到都覺得好可愛唷！烏冬就煙煙韌韌，已有淡淡的調味，唔錯喎！
鮮海膽撈冷烏冬
10 views
0 likes
0 comments
甜酸胡麻醬冷蕃茄
近排發現都幾多餐廳開始流行用原個去皮蕃茄做冷盤，一般都以沙律醬做 dressing 。
但呢間用左麻醬，另外仲食到甜甜地，可能係加左糖。而且夠冰凍，味道幾討好。
甜酸胡麻醬冷蕃茄
17 views
0 likes
0 comments
生蠔
散叫的話，成 $30 一隻，但套餐竟然包埋。試過之後果然係堅，好鮮甜，好新鮮，質素絕對有專食蠔吧的級數。真係冇失禮，有衝動想叫多半打......
生蠔
21 views
0 likes
0 comments
白汁磨菇芝士焗蠔
濃濃芝士，配上鮮味的蠔肉。堅係金黃色架，食落仲幾 juicy , 冇 over cook
但比較起來，生蠔正D呀！
白汁磨菇芝士焗蠔
9 views
0 likes
0 comments
餐湯
係蕃茄濃湯，有蕃茄、薯仔同雜菜，味道係酸酸地幾開胃的。好足料又夠熱，飲得出唔係罐頭湯。有誠意，我鐘意。
餐湯
4 views
0 likes
0 comments
松露白汁@美女豬扒(左）
主菜以熱石盛載熱辣上枱，超大份，超驚喜。
兩份餐一齊放在熱石上食，全程滋滋作響，現場感覺其實幾震撼。
唔明餐廳的門口點解唔貼呢D靚相呢？應該會即刻引來不少食肉獸的青睞噃⋯⋯
左邊是美女豬扒，兩大塊之餘，仲要係最靚的斧頭部位。豬扒近骨位特別有豬味，亦唔會嚡口，認真一流。
伴有白汁，勁香松露香味，用來點豬扒食，幾特別喎，第一次咁食法。不過個汁偏咸，點少少就ok 。
除了兩大塊豬扒之外，墊底仲有雜菇，索曬D肉汁，份外美味。
美女豬扒&俊男牛扒
21 views
0 likes
0 comments
秘製洋葱汁@俊男牛扒 （右）
俊男牛扒，認真大過塊面，夠handsome !
用刀輕輕一切已開，點埋洋蔥汁仲好味。
牛扒帶有的油脂在熱石上加熱，好香牛味。
墊底是已調味的蒜香意粉，硬度適中。
但兩個餐份量真係太大，隨時三個人 share 都夠食。
美女豬扒&俊男牛扒
26 views
0 likes
0 comments
檸檬可樂 & 檸檬雪碧
叫 set 加$10 有一杯。多檸檬又夠大杯，配扒食可以消消滯，最佳配搭。
服務很好，店員耐心介紹食物，又主動換碟同收野，十分滿意。
呢個價錢，呢個質素，真係抵到爛。
Post
