港囍餐室

Open Now

Now Closed

以前喺銅鑼灣最喜歡就去九龍冰室，近半年轉移咗去對面嘅「港囍餐室」今日同女朋友又來開餐，佢點左新鮮出爐麵包加杯熱鴛鴦，係佢平時嘅指定動作，今日咁啱麵包啱啱出爐「菠蘿紅豆包」每次嚟都會食，分量十足，菠蘿皮香脆，紅豆餡足，絕對唔係空氣包！熱鴛鴦水滾茶靚，咖啡味佔比例較多，味道濃郁。我點咗茶餐薑汁豬膶米粉黑松露炒蛋，多士薑汁豬膶米粉平時唔多食偶爾食吓都OK，先喝一口薑汁湯底，好正，夠姜！豬潤煮到啱啱熟，爽口彈牙，米粉份量不少，加埋條生菜，完美！黑松露炒蛋，多士炒蛋好靚，顏色鮮黃，呈現漩渦形易入口香滑出色；厚切多士加咗少少牛油，感覺啱啱好。熱奶茶保持一貫水準。