人和荳品廠 (Closed)

係老銅做野做到攰攰地，天時暑熱想搵個地方坐下食少少野。經過橋底本來諗住入去附近松x糖水，但係一碗糖水依家都幾廿蚊，醒起行多幾步就有間老字號豆品，一於睇下質素keep唔keep到，好耐無去。餐牌簡單，以豆品為主，一坐低，店員就問要咩~天時暑熱，叫番碗凍淡奶豆花，滑流有豆香！好多年前食過，保持水準！餓餓地，叫多碟煎豆腐！我知，個主角係豆腐，但係配魚肉都唔洗少得咁可憐卦！張相都大舊d d啦， 專登放包紙巾比大家睇番個比例！豆腐係香滑既！好新鮮，裡面好juicy! 唉，係旅遊區想搵個地方坐下，d野唔難食，又平平地既，都算係咁上下喇！