俺流塩らーめん (東港城)

Open Now

Now Closed

今日放假，特登入咗將軍澳東港城，陪朋友行街🤗，因為佢要湊女，我早到咗就邊食午餐一邊等佢；假期係用嚟享受生活嘅好時光，當然要對自己好啲啦😎💕，於是我就揀咗一間開放式設計嘅日本拉麵店，👍🏻👍🏻因為過咗午飯時間嘅關係唔使等位，睇完餐牌叫咗一碗俺流熟成濃湯拉麵，同埋一份大阪燒餃子嚟犒賞自己工作既辛勞🤣🤣嘢食嚟啦，當然都係相機食先啦拉麵口感彈牙，惹味嘅濃湯，食每一啖都感到好幸福☺️💕見到個湯底咁濃都怕佢會好鹹，但係冇呢個情況，食完都唔覺得口渴；餃子上枱嘅時候木魚絲仲喺度郁緊，視覺效果、味覺都覺得好滿足，但係因為碗麵真係好足料‼️唔浪費食物嘅我，餃子最後食唔晒要打包走，哈哈🤣🤣