俺流塩らーめん (大埔超級城) (Closed)

假日晚餐時段, 預左周圍嘅餐廳都會有好多人等, 但唯獨是呢間門口仲未出現人龍, 抱住終於搵到間唔洗等嘅餐廳心態入左去試｡ 餐廳雖然唔算好大, 但佢嘅座位都幾多, 而且唔會坐到好迫｡呢間拉麵店出名食俺流鹽拉麵, 湯底主要分鹽湯同埋熟成鹽湯, 聽講熟成鹽湯係用壓力煲將豬骨、雞骨同其他蔬菜材料煮成｡ 既然咁出名, 緊係要 Order 一碗試下啦｡辛辣熟成濃湯拉麵先飲番啖湯, 微辣, 味道 OK, 但唔算好濃味｡ 拉麵屬幼身, 可以揀麵嘅軟硬度｡ 有一塊薄叉燒、香蔥 & 筍｡ 整體黎講驚喜不大｡