SUKIYA すき家 (金龍中心)

Open Now

Now Closed

平時入到Sukiya門口都要停低等員工都會帶位，呢間分店係完全唔理你，由得你自己入去坐。呢樣其實冇乜問題，香港餐廳不嬲都係咁。 佢有趣嘅地方係我一個人坐低咗兩分鐘左右開始多人，一位叫Kris嘅員工又無端端走埋嚟話因為繁忙時間，要求我從二人位調去吧枱位。 但我起身行去吧枱位發覺冇位俾我坐。kris同佢嘅同事又一嚿飯咁唔知點算好。其實啲員工唔可以settle好個吧枱位先至叫我調嘅咩？都算啦，過咗一陣又無端端問我介唔介意搭枱，想調我過去坐二人位同人搭枱，成個過程好似當我係個波咁踢嚟踢去，搞到安排好似我呢啲一個人去食飯嘅人坐低好似麻煩到佢哋咁嘅款。 最後感覺非常唔好受就離開咗冇食到嘢走咗。服務完全唔掂，唔expect日本餐廳嘅服務水準係咁，好多時壽司郎有人等位都好，都會安排一個人坐卡位，而且一定唔會叫坐低咗嘅人調位。而家搞到好似做一個人嘅生意好難為佢哋咁，呢間分店係我遇過最差嘅分店。