稻香訓練酒樓 (Closed)

稻苗學院本來唔錯，咁嘅價錢食到咁嘅質素，場地闊，樓底高，仲免茶免拍車費。 最近仲有部份海鮮小菜半價優惠...可惜呢啲優惠都俾個負責人攪禍哂！ 佢應該係間舖嘅話事人，黑衫黑裙，身材較其他店員肥伴。 話說我見咁抵就問佢攞個晚飯牌睇下，佢居然唔係即時回答，由得我企响佢面前，等佢指揮完伙記做嘢至理我，咁係待客之道？ 仲同我講話餐牌要晚上才show出來，後來免為其難攞出來，話唔攞得走，我就想影低俾太太睇，佢話唔得，我都尊重佢嘅，但覺得佢係同公司倒米囉！本來抵讚，變咗抵彈，咁叫學院，教出來嘅會係點？***全部係真嘅，歡迎稻香高層搵我了解詳情***