香港地 (Closed)

#香港地 顧名思義就係食香港地道嘅嘢食 餐廳嘅裝修都幾有香港本土風味 主要以綠色為主題 有啲舊舊地嘅感覺 維他奶係香港人嘅回憶，見到有個倒轉沙冰幾得意，叫咗紅豆冰沙冰，一路飲一路啲維他奶會跌落嚟，越飲豆奶味越重，估唔到維他奶同埋紅豆冰都異常地夾喎。另外亦都叫咗喺茶餐廳比較少見嘅冬瓜盅，性價比好高，冬瓜盅湯頭清甜， 配有魚翅蝦粒勝瓜雞肉等等口感豐富。澳洲M5和牛頭抽炒河粉 用嘅牛肉相對上比較高級，唔係普通肥牛或者落晒鬆肉粉嘅牛肉。夠獲氣根根分明唔錯。