利寶閣 (Closed)

屋企人一向鐘意食中菜，聽同事講利寶閣有個2小時夜市放題幾抵，有任食扁皮鴨同埋美國谷飼牛肉，平日去食就$278一位，另加茶水同加一服務費。扁皮鴨熱辣辣原隻燒好，待應係你面前將鴨皮一塊一塊削落嚟，非常新鮮悅目。夾完鴨肉之後再拎啲甜醬同話梅醬，用薄皮包住鴨肉同醬汁，食落好有口感唔會覺得膩。成家大概食左40幾塊，好和味呀。美國谷飼牛肉牛肉係你面前煎，企係枱前已經聞到牛肉香味。牛肉唔會煎得太老，食落嫩滑有𑁻口，牛肉味仲好香濃。花膠響螺雞湯每人都會有一碗雞湯，湯嘅材料好足，大塊厚身花膠，配上老火原味雞湯，令到本身充滿鮮味嘅湯味道更香濃。其他炸物炸蝦餃，炸芝士年糕，炸軟殼蟹，呢幾款炸物幾特別，外脆外軟。蝦餃好有鮮味，芝士年糕做到有流心效果，而軟殼蟹脆卜卜，加埋啲蟹膏一齊食，好香口。