漁屋日本料理 (荃新天地2) (Closed)

我家習慣考完試就去大食放鬆一下，咁岩放寬堂食8人一枱，咁就決定娘家一齊去。原先諗住試下荃灣海之戀睇住海景嘆放題，點知睇到食評唔係咁睇好，我諗去番✨漁屋日本料理✨會比較穩陣Apps 落單，未有漏單情況，只係燒物同炸物稍為要等一等，刺身同壽司🍣就好快到。刺身唔錯，算新鮮，特別要讚牡丹蝦夠大隻，一啖入口好滿足。燒菠蘿🍍係必點，上枱熱辣辣，食落好甜好多汁。魚鮫魚鰭係限量供應，先叫先得。炸物就推介芝麻雞翼，炸蠔🦪，南瓜，芝士年糕，蝦🦐，全部熱辣辣，外皮好薄，食落脆卜卜，唔會一口油。爐端燒就推介雞軟骨，羊架同鰻魚。雞軟骨食左好多串。清酒煮蜆蜆肉大大粒好飽滿，食落無沙。