日月堂

Open Now

Now Closed

今日係觀塘收工，好想食台灣菜，係Openrice搵左一陣就決定同朋友嚟試下呢間位於工廈入面既台式餐廳。平日既晚市嚟食，都多人到全場滿座。牛三寶麵三寶指牛腱肉、牛筋及牛肋條。牛腱偏厚身，啖啖肉；牛肋條就好軟腍。湯底幾清甜，麵底係幼身嗰種，幾有嚼勁。手工滷肉飯配料有菜同半個滷蛋。半肥瘦既滷肉，撈埋白飯一齊食，真係完美的配搭。麻辣鴨血整得幾出色既小食，唔算真係好辣，偏麻居多。有六件鴨血，口感好腍滑，又唔會硬到好似豬血咁，底下鋪滿津白，索左濃稠既湯汁，都幾唔錯。玉米起司蛋捲餅一夾起，半溶既芝士同粟米慢慢溢出，連埋外層煙韌既蛋捲餅一齊食，充滿台灣風味。黑糖珍珠奶茶黑糖既甜度好濃郁，珍珠煙韌有咬口。冬瓜茶比我想像中大杯，夏天飲消暑清熱，而且甜度都控制得幾好。