源記海鮮小廚 (Closed)

早排，同老婆仔同埋屋企人行街經過二坡坊(平時好小入去果頭)，見到呢間源記打冷都幾多人食，所以就試吓。叫咗幾度餸菜食，有菠蘿生炒骨(個汁好好味， 甜酸度剛剛好，至於啲排骨仲脆嘅)、馬拉盞通菜煲(好香嘅蝦米味，正吖)、炸豬手(啲皮當然好脆，啲肉又唔會好乾)、同埋辣酒煮花螺(個汁味道啱啱好，可能者得唔夠耐嘅關係，所以啲螺肉無咁入味)。當然要整番幾枝大啤酒飲啦……用一個字黎形容《正》，整餐飯都食得好開心。當然環境就無得要求啦，始終都係大排檔。老闆亦都好好人。