岩鹽日本料理 (利舞臺廣場) (Closed)

呢日嚟到銅鑼灣利舞台食晚飯，朋友揀咗呢間日式料理。餐廳主打傳統日式釜飯，仲有卷物、刺身、壽司、串燒、丼飯等，好多種類選擇。串燒盛盒 （8串）（$128）- 賣相已經好吸引，入面有合鴨大蔥串、牛舌、雞軟骨、冬菇、甘薯、雜錦雞肉串、雞翼同埋日本青椒。燒得啱啱好，夠晒香口惹味。當中特別推介日本青椒，牛舌同雞翼，真心好味。蒲燒鰻魚釜飯 （$148）- 釜飯係餐廳嘅招牌菜，我哋點咗個蒲燒鰻魚釜飯試吓。餐廳仲提供埋沙漏，方便你計時，夠鐘就可以撈飯。另外，仲備有茶漬湯，等你可以當泡飯咁樣食。除咗鰻魚之外，釜飯入邊仲有栗子，銀魚仔，菜等等材料。撈埋粒粒分明，入口非常煙靭嘅米飯一齊食，又真係幾正。黑松露雜菌玉子燒（$68）- 黑松露好香，玉子燒得好香，帶黑松露味，切開入面仲有冬菇同金菇。熱辣辣，入口好好味。蟹肉芝士天婦羅卷 （$68）- 呢個十分香口，天婦羅炸得好脆，再配以蟹肉同埋芝士，味道好有層次感。芒果奇異蝦卷 （$48）- 呢個絕對係清新之選，芒果配埋奇異果，味道酸酸甜甜好開胃。炸青森帶子 （$68）- 炸得外脆內軟，帶子入口帶鮮味，點埋沙律醬，味道夠晒豐富。餐廳環境舒適，座位闊落，食物質素相當之