Noc Noc

Open Now

Now Closed

因為一位大埔嘅朋友介紹，今日終於嚟到呢一間酒吧餐廳度食飯，聽講呢一間酒吧餐廳嘅唔係單單有嘢食之餘仲有酒飲咁簡單，而係聽聞佢哋食嘢嘅質素都好高，所以今日我專登約咗一個朋友過嚟呢邊食飯我地叫左一個德國鹹豬手，而朋友就叫咗一個黑松露雜菌天使麵先講覺得個鹹豬手，呢一個真係係我食過咁多唔同餐廳嘅鹹豬手黎講係最好食！！首先佢已經幫你切好一塊塊，你唔需要自己切咁麻煩，就哂叉黎食就可以，好方便！另外佢個鹹豬手嘅表皮絕對唔係平時我食開個種好厚好難咬，而係非常之香脆，就好似炸完咁香脆！但裏面嘅肉就完全同佢出面嘅外層，反而係非常之滑嫩，仲好juicy!!!兩者配搭起上嚟係天衣無縫,令人齒頰留香而另外嗰個黑松露雜菌天使麵都非常有水準,佢嘅黑松露味都幾明顯,而且天使麵本身就煮得剛剛好!!唔會熟過頭或者太硬，非常順滑，係大眾人都喜歡嘅口味！整體來講，呢一間餐廳雖然係酒吧餐廳，但佢嘅菜式完全不輸蝕其他專業嘅西式餐廳！如果大家來飲酒嘅話，都不妨叫下佢哋既嘢食，絕對令你回味無窮，保證唔會失望！