北料南麵 (Closed)

今晚行開深水埗，又突然想食辣野，男朋友search到間都算多好評的北料南麵，於是去try下啦。如果喜歡食辣，北料南麵可以滿足到你。麻辣牛展麵（中辣）這裡辣度選擇有微辣、小辣、中辣、大辣、超辣，因為第一次來食，所以保守d揀左中辣試試先（利申我同男朋友都算食得辣，平時譚仔食大辣）。這裡的中辣，比想中辣！雖然好辣好麻，食到個嘴巴都麻麻地，但個湯底唔會太油膩。牛展同平時食開個樣唔同，平時係一片片的，這裡是一粒粒的，放入口又有另一番感覺，夠入味又有𡁻口，一點都不韌。麵條好滑身，同個湯底好配合。口水雞（中辣）雞件份量都多，比牛展麵再辣d，肉質嫩滑，可惜雞身有點肥，肥膏部分比較多，這就有點扣分。麻辣海蜇（中辣）海蜇本身就冇乜味，依家吸收左麻辣汁，幾好味，而且口感好爽滑。食店有挑戰活動，20分鐘內食哂指定碗麵同湯，就唔洗俾錢，下次有機會挑戰下先。